24 mars 2008
يامكن أنا غالط ولاكين مع نفسي لا حيت أنا أفقر إنسان و رأسُ مالي كرامتي
أوه ...!
امشات راحتي أو طاحت قمتي
اعيت ولات المشاكل حرفتي
سولتك ياليام وانت ما جوبتي
ما سعدتيني زيدتي ف محنتي
ولصحاب حتى هم انساو حالتي
لامو وامشاو انساو سميتي
*****
يا سما يا انجوم يا رعد يا قلبي المجروح
يالظالم يالتاعس يالحاقد يا صدري المذبوح
*****
لمن انادي أنا ونشكي تعاسي
الزمان اقتل فيا الفرحة زادو اعلي ناسي
كثرو عدياني ملي شافوني ابنيت ساسي
أو أنا وسطهم يا ناس مزال انقاصي
بسحرهم ياجاري طارلي انعاسي
داروه في العتبة أو ف الصقف أو ف الباسي
*****
ربي هو الشافي هو العافي نترجاه
صبحانو عالم ما بيا ديما نتمناه
*****
يالساقني كاس عامر اسموم
واش ما كفانك لجرو ح أو لهموم
راه الدنيا ياخي ما غدي اتدوم
اكفاك حقد أو كره وذموم
راه ما عندهم لا قيمة ولا الزوم
عمر قلبك بالحب واشمومو
*****
Publicité
Publicité
Commentaires